अन्वय नाईक आत्महत्या प्रकरण: मे 2018 मध्ये, अलिबाग पोलिसांनी आर्किटेक्ट अन्वय नाईक आणि त्याची आई कुमुद यांच्या आत्महत्येला जबाबदार म्हणून अर्णब गोस्वामी आणि इतर दोघांवर गुन्हा दाखल केला होता.
रिपब्लिक टीव्हीचे मुख्य संपादक अर्णब गोस्वामी यांना बुधवारी सकाळी महाराष्ट्र पोलिसांनी अटक केली. २०१८ मधील आर्किटेक्ट अन्वय नाईक आणि त्याची आई कुमुद आत्महत्या प्रकरण पोलिसांनी पुन्हा एकदा उघडले आहे. मुंबई जवळील रायगड जिल्ह्यातील अलिबाग या शहरात मुख्य संपादक अर्णब गोस्वामी आणि दोन जणांविरुद्ध एफआयआर नोंदविण्यात आला होता.
यावर्षी मे महिन्यात महाराष्ट्र कॉंग्रेसने अन्वय नाईक यांच्या पत्नी अक्षता यांचा न्यायासाठी तयार केलेला एक व्हिडिओ पोस्ट केला होता ज्यात त्यांनी त्यांचा पती आणि सासूच्या आत्महत्येला अर्णब गोस्वामी जबाबदार असल्याचे म्हटले होते. रिपब्लिक टीव्हीने यावर निवेदन सादर करत म्हटले होते की हे प्रकरण “कोर्टाने बंद केले आहे”.
अर्णब गोस्वामी वर काय आरोप आहेत?
अन्वय नाईक यांनी आपल्या सुसाईड नोटमध्ये असा दावा केला होता की अर्णब गोस्वामी, IcastX/Skimedia चे फिरोज शेख आणि स्मार्टवर्क चे नितेश सारडा या तिघांनी त्यांचे एकूण ५.४ कोटी रुपये थकित ठेवले होते. अलिबाग पोलिसांनी नोंदवलेल्या एफआयआरमध्ये म्हटले आहे की गोस्वामी यांनी अन्वय नाईक यांची कंपनी Concorde Designs Pvt Ltd या कंपनीचे 83 लाख रुपये थकीत ठेवले आहेत.
अर्णब गोस्वामी यांचे म्हणणे
रिपब्लिक ने आपल्या निवेदनात म्हटले होते की दोन वर्षांपूर्वी सर्व थकबाकीपैकी 90 टक्के रक्कम दिलेली आहे. अंतिम पैसे देण्यासाठी अनेकवेळा मध्यस्थीसाठी बोलावण्यात येऊन सुद्धा कोणीही यावर प्रतिक्रिया दिली नाही. याबद्दल मध्यस्थीसाठी संपर्क केल्याबद्दलचे सर्व पुरावे त्यांच्याकडे आहेत. जुलै २०१९ मध्ये अन्वय यांच्या कंपनीच्या बँक खात्यात थकबाकी जमा झाली होती, परंतु ते खाते “निष्क्रिय” असल्यामुळे पैसे परत आले होते.
अन्वय नाईक यांच्या पत्नी अक्षता यांची न्यायासाठी हाक
“आम्ही २०१८ मध्ये तक्रार दिली तेव्हा कारवाई का झाली नाही हे मला माहित नाही. मी माझा नवरा आणि सासू गमावले आहेत. खटला दाखल झाल्यापासून आम्ही बर्‍याच गोष्टींचा सामना करीत आहोत. आम्हाला असंख्य धमकीचे कॉल आले आहेत. अक्षता यांनी बुधवारी पत्रकारांशी बोलताना सांगितले की, माझ्या नवऱ्याला न्याय मिळावा अशी माझी इच्छा आहे.
अक्षता नाईक यांनी पोलिसांवर सुद्धा आरोप केले आहेत. रायगडचे एसपी अनिल पारस्कर आणि अलिबाग पोलिस स्टेशनचे वरिष्ठ पीआय सुरेश वराडे यांनी केस पासून आम्हाला परावृत्त करण्याचा प्रयत्न केला होता आणि त्यांचे म्हणणे ऐकून न घेता केस बंद अहवाल यावर स्वाक्षरी करण्यासाठी दबाव आणत होते. “त्यांना वाटलं की आम्ही मराठी वाचू शकत नाही आणि गोस्वामी आणि इतरांविरूद्ध दाखल केलेला खटला परत घेण्यासाठी तयार केलेल्या पेपरवर स्वाक्षरी घेण्याचा प्रयत्न करत होते. आम्ही आवाज उठवल्यावर वराडे यांनी आमच्याकडून पेपर हिसकावून फेकून दिला. आम्हाला आत्तापर्यंत मार्च पर्यंत सांगितले गेले की चौकशी चालू आहे. ते आमची सर्वांची दिशाभूल करीत होते, असे अक्षता म्हणाल्या
©PuneriSpeaks
अपडेटसाठी लाईक करा आमच्या फेसबुक पेजला, टि्वटरवर आणि इंस्टाग्राम फाॅलो करा.
PuneriSpeaks is now on Telegram. Click here to join our channel and stay updated with the latest Big news and updates.