देशातील टॉप फाईव्ह खासदार मध्ये पहिले तीन खासदार महाराष्ट्रातील, सर्वाधिक प्रश्न मांडले

लोकसभेत सर्वाधिक प्रश्न विचारणाऱ्या खासदार मध्ये देशातील टॉप फाईव्ह खासदार मध्ये महाराष्ट्रातील तीन खासदारांनी बाजी मारली आहे. सर्वाधिक प्रश्न विचारणाऱ्या खासदारांमध्ये बारामती लोकसभा मतदारसंघातील खासदार सुप्रिया सुळे यांनी बाजी मारत पहिला क्रमांक मिळवला आहे.

यानंतर दुसऱ्या स्थानी भाजपचे धुळ्याचे खासदार सुभाष भामरे यांनी सर्वाधिक प्रश्न विचारले आहेत. शिरूर मतदारसंघात खासदार डॉ. अमोल कोल्हे यांनी या यादीत तिसरा क्रमांक मिळवला आहे. अनुक्रमे चौथ्या आणि पाचव्या क्रमांकावर मध्यप्रदेश चे सुधीर गुप्ता आणि झारखंड जमशेदपूर मधील बिद्युत महतो यांचा समावेश आहे. परिवर्तन या संस्थेने ही माहिती प्रकाशित केली आहे.

भारतातील टॉप फाईव्ह खासदार

खासदार	पक्ष	मतदारसंघ	विचारलेले प्रश्न
सुप्रिया सुळे	राष्ट्रवादी काँग्रेस	बारामती (महाराष्ट्र)	212
सुभाष भामरे	भारतीय जनता पार्टी	धुळे (महाराष्ट्र)	202
अमोल कोल्हे	राष्ट्रवादी काँग्रेस	शिरूर (महाराष्ट्र)	202
सुधीर गुप्ता	भारतीय जनता पार्टी	मंदसौर (मध्यप्रदेश)	198
बिद्युत महतो	भारतीय जनता पार्टी	जमदेशपूर (झारखंड)	195

राष्ट्रवादी कॉंग्रेसच्या खासदार सुळे यांनी तब्बल 212 प्रश्न लोकसभेत उपस्थित केले आहेत. तर धुळ्याचे भाजपचे खासदार सुभाष भामरे यांनी 202 आणि शिरूरचे राष्ट्रवादीचे खासदार डॉ. अमोल कोल्हे यांनीही 202 प्रश्न उपस्थित केले आहेत. मध्य प्रदेशातील मंदसौर लोकसभा मतदारसंघातील भाजपचे खासदार सुधीर गुप्ता यांनी 198 तर झारखंडमधील जमदेशपूर मतदारसंघातील भाजपचे खासदार बिद्युत महतो यांनी 195 प्रश्न विचारले आहेत. 

महाराष्ट्रातील सर्वाधिक प्रश्न विचारणारे खासदार

खासदार	पक्ष	मतदारसंघ	विचारलेले प्रश्न
सुप्रिया सुळे	राष्ट्रवादी काँग्रेस	बारामती	212
सुभाष भामरे	भारतीय जनता पार्टी	धुळे	202
अमोल कोल्हे	राष्ट्रवादी काँग्रेस	शिरूर	202
गजानन कीर्तिकर	शिवसेना	मुंबई उत्तर पश्चिम	195
श्रीरंग बारणे	शिवसेना	मावळ	194

सर्वाधिक चर्चेत सहभाग घेणारे महाराष्ट्रातील खासदार

खासदार	पक्ष	मतदारसंघ	सहभाग
सुप्रिया सुळे	राष्ट्रवादी काँग्रेस	बारामती	97
राहुल शेवाळे	शिवसेना	मुंबई दक्षिण मध्य	53
डॉ. श्रीकांत शिंदे	शिवसेना	कल्याण	49
श्रीरंग बारणे	शिवसेना	मावळ	48
विनायक राऊत	शिवसेना	रत्नागिरी-सिंधुदुर्ग	46