त्रिशनित अरोरा: आठवी नापास आज २ हजार कोटींचा मालक… 

त्रिशनित अरोरा: एक २४ वर्षीय तरुण ज्याच्या इशाऱ्यावर सीबीआय, रिलायन्स सारख्या मोठमोठ्या कंपन्या चालतात

शाळेत ८ वी नापास पण जगभरातील ५०० हून कंपन्यांना आपल्या इशार्‍यावर चालवू शकणाऱ्या त्रिशनित अरोरा या २१ वर्षीय युवकाची गोष्ट म्हणजे एक स्वप्नच म्हणावे लागेल. त्रिशनित अरोरा हा एथिकल हॅकर म्हणून उदयास आलेला तरुण त्याच्या टीएसी सिक्युरिटी (TAC Security) कंपनीचा व्यवसाय आज करोडो रूपयांवर पोहचला आहे. त्रिशनित अरोरा या तरुणाने वयाच्या अवघ्या २२ व्या वर्षातच हे अभूतपूर्व यश मिळविले आहे.

एथिकल हॅकींग म्हणजे नेटवर्क, सिस्टीम इन्फ्रास्ट्रकचरची सुरक्षा इव्हॅल्युएट करणे. म्हणजे कोणत्याही कंपनीची, संस्थेची सायबर सुरक्षा भेदली जाऊ नये यावर हे हॅकर्स लक्ष ठेवतात तसेच डेटा चोरी, व्हायरस घुसविणे अशा प्रकारांपासूनही संरक्षण सेवा पुरविण्याचे काम TAC Security ही कंपनी करते. त्रिशनित अरोरा भारतीय गुप्तचर संस्था सीबीआय, रिलायन्स, अमूल,पंजाब पोलिस, गुजराथ पोलिस, एवन सायकल्स यासारख्या जवळपास ५०० कंपन्यांना ही सेवा त्याच्या TAC Security कंपनीच्या माध्यमातून देतो आहे. त्रिशनित अरोरा ला पहिल्यापासून संगणकात खूपच आवड होती व त्यापायीच लहानपणी शाळेत आठवीत असतानाच हॅकिंगच्या नादात दोन पेपर दिले नसल्याने आठवी नापासचा शिक्का बसला. त्याचे वडील अकौंटंट. मुलाच्या या उद्योग जगताचे विश्व त्यांना व परिवाराला कधीच आवडले नाहीत मात्र त्रिशनित अरोरा आपल्या निर्णयावर ठाम होता.